دليل كليات العلوم والتقنيات FST المغرب 2026 - التخصصات والآفاق

⚙️ FST: كليات العلوم والتقنيات.. مصنع المهندسين

كليات العلوم والتقنيات (FST) ماشي بحال "لافاك" العادية. هنا الدخول بالانتقاء (Seuil)، الحضور إجباري، والامتحانات عبارة عن مراقبة مستمرة (Contrôle Continu).
أغلب الطلبة كيعتبروها "نصف بريبا"، لأنها كتوفر ليك تكوين قوي فالرياضيات والفيزياء، وكتفتح ليك البيبان لولوج سلك المهندسين (Cycle Ingénieur) سواء داخل FST نيت أو فمدارس أخرى.

📝 1. شروط الولوج والعتبات (Selection)

الولوج كيتم عبر منصة cursussup.gov.ma (غالباً فشهر 6 أو 7).

📊 طريقة الانتقاء (Le Seuil):

كيتحسب بنفس طريقة المدارس العليا:

75% للوطني + 25% للجهوي

* العتبات كتكون طالعة شوية (غالباً بين 12 و 14 حسب الشعبة والمدينة).

🔬 2. ماذا ستدرس؟ (الجذوع الكبرى)

فالعام الأول (S1 و S2)، كتختار واحد من الجذوع المشتركة (Troncs Communs):

🧮 MIP (M.I. Physique)

المواد: رياضيات مكثفة، فيزياء، إعلاميات.
لمن؟ للي باغي يكمل مهندس فـ Informatique, Mécanique, Génie Civil.
الشعب المقبولة: Sc Math (أولوية), PC.

🧬 BCG (Bio-Chimie-Géo)

المواد: بيولوجيا، جيولوجيا، كيمياء.
لمن؟ للي باغي يكمل فـ Génie Chimique, Agroalimentaire, Environnement.
الشعب المقبولة: SVT, PC, Sc Math.

⚡ GE-GM (Génie Elec/Méca)

المواد: كهرباء، ميكانيك، رسم صناعي.
لمن؟ لعشاق الصناعة والاختراع (موجودة فبعض المدن فقط مثل سطات وبني ملال).

⚖️ 2.1. شنو الفرق بين FST و EST و FS؟ (باش ترتب أفكارك)

بزاف د التلامذ كيتلفو بين هاد الثلاثة، هاهي الخلاصة باش تعرف فين تحط رجليك:

FS (كلية العلوم): الولوج مفتوح (بدون عتبة). القراية نظرية بزاف، والامتحانات كتكون فالاخر د السيمستر. (الديبلوم: الإجازة الأساسية).
EST (المدرسة العليا للتكنولوجيا): الولوج بانتقاء طالع. القراية تطبيقية 100% (تكوين تقنيين). (الديبلوم: DUT فـ عامين).
FST (كلية العلوم والتقنيات): هي ميكس بيناتهم! الولوج بانتقاء، القراية فيها النظري والتطبيقي، والحضور إجباري. (الديبلوم: DEUST و الإجازة LST).

💡 نصيحة: إيلا باغي تولي تقني وتخدم دغيا دير EST، إيلا باغي تقرا على خاطرك دير FS، وإيلا باغي تولي مهندس وماجبتيش البريبا دير FST.

🧠 2.2. نظام "المراقبة المستمرة": السر باش تفاليدي

اللي كيميز FST على لافاك العادية هو نظام Contrôle Continu. شنو كيعني هادشي؟

📝 ماكاينش امتحان واحد فالاخر:

النقطة ديالك فكل مادة (Module) كتجمع من: الغياب (الحضور إجباري للـ TP و TD)، النقطة د السطاج أو العروض (Exposés)، و 2 أو 3 ديال الامتحانات وسط السيمستر. هادشي كيخليك ديما "مكونيكطي" مع القراية وماكتقدرش تراكم الدروس تال الليلة اللخرة.

👷‍♂️ 2.3. سلك المهندسين داخل FST (الكنز المخفي)

بزاف كينساو بلي FST براسها كتخرج مهندسي دولة! مورا ما تشد DEUST (عامين) أو LST (3 سنين)، كتدوز مباراة كتابية وشفوية باش تدخل لـ Cycle Ingénieur اللي كيدوم 3 سنوات إضافية.

أهم التخصصات الهندسية فـ FST: هندسة البرمجيات (Génie Logiciel)، الهندسة المدنية (Génie Civil)، هندسة الطرائق (Génie des Procédés)، والشبكات والأنظمة.
الميزة: المهندس خريج FST مطلوب بزاف فالسوق حيت التكوين ديالو كيكون "تطبيقي" (Pratique) وقريب لواقع الشركات.

💰 2.4. الصالير والآفاق: شحال كيتخلص خريج FST؟

الصالير كيعتمد على الديبلوم اللي وقفتي فيه:

خريج DEUST (Bac+2): كيخدم كتقني متخصص، الصالير كيبدا من 4000 إلى 5000 درهم.
خريج الإجازة LST (Bac+3): كيخدم كإطار متوسط أو تقني عالي، الصالير كيبدا من 6000 درهم.
خريج سلك المهندسين (Bac+5): بحالو بحال مهندسي المدارس الكبرى، الصالير كيبدا من 8500 إلى 11.000 درهم (فالقطاع الخاص)، ويقدر يوصل لـ 15.000 درهم مورا عامين أو 3 سنين د الخبرة.

🎓 3. الديبلومات الممكنة

📜 DEUST (Bac+2): دبلوم الدراسات الجامعية في العلوم والتقنيات. كتاخدو بعد عامين.
🎓 LST (Bac+3): الإجازة في العلوم والتقنيات (Licence Sciences et Techniques).
👷‍♂️ Cycle Ingénieur (Bac+5): سلك المهندسين داخل FST. الولوج ليه كيكون بمباراة (Concours) بعد DEUST أو LST.
🔬 MST / Doctorat: الماستر والدكتوراه للراغبين في البحث العلمي.